LAOAG CITY – Kinumpirmaran ni PMaj. Arnel Tabaog, OIC iti PNP Vintar a maysa a senior citizen nga agtawen ti 71 ti nagpakamatay iti Brgy. 1 iti nasao nga ili.
Inbaga ni Tabaog a basar iti palawag ti kaanakan ti biktima ket naggapo da iti taltalon idi ta nasangpetan da a nakabitin ti uliteg na iti uneg ti pagtaengan da usar na ti nylon.
Segun iti hepe, daytoyen ti maikadwa a daras a ginandat ti biktima ti nagpakamatay nu sadino nga iti umuna a gundaway ket naglaslas.
Kuna na a maipagarup a saanen a kabaelan ti biktima ti agbalin a padagsen iti pamilya na agsipod ta saan a makatrabaho ken agsaksakit rason a pinili naa ti nagpakamatay.
Mainaig iti daytoy, nagpanawagan ni Tabaog a nu adda ti problema ket saan a ti panagpakamatay ti solusyon.
