LAOAG CITY – Mabalinen ti gumatang ti agas nga addaan ti 20 a porsiento a diskwento dagiti senior citizens uray awan ti maipresentar da a booklet.
Daytoy ti inrakurak ni Department of Health Secretary Teodoro “Ted” Herbosa.
Inaramid daytoy ni Herbosa kalpasan a nangiparuk-at ti Administrative Order No. 2024-0017 a mangamendar ti dua a napalabas nga administrative orders a mangituytuyang ti guidelines iti pannakaimplementar ti Republic Act No. 9994 wenno ti “Expanded Senior Citizen Act of 2010.”
Iti kaudian nga Administrative ket inikkat na ti probisyon a mangi-require kadagiti senior citizens a mangipresentar ti purchase booklets da no gumatang dagitoy ti agas ken medical devices tapno maipaayan da ti 20 a porsiento a diskwento.
