LAOAG CITY – Naragsak nga inpakaammo ni Ms. Erlinda Agustin, mangidadaulo ti Office of the Senior Citizens Affair ditoy siudad ti Laoag a makaawaten ti maysa a ribu a pisos dagiti senior citizens nga agtawen iti 70 agingga 79 tunggal agkasangayda.
Segun kenkuana daytoy ket maibasar iti baro a linteg nga Expanded Centenarian Act wenno ti Republic Act No. 11982 a mabalin nga i-avail dagiti senior citizen.
Mainaig iti daytoy ginutigot na dagiti amin a senior citizen kasapulan laeng nga ipresentar da birth certificate da agraman ti certificate of residency.
Malaksid iti daytoy, pinasingkedan na a naruay pay dagiti programa para kadagiti Senior Citizens.
