LAOAG CITY – Indalan laengen ti maysa a doctor ti sentimyento na kalpasan a pinadda-paddakan ti saan pay a nabigbig suspek ti lugan na.
Nabigbig daytoy a ni Doctor Rixie Balalio, municipal health officer iti ili ti Nueva Era ditoy probinsya nga Ilocos Norte.
Iti eksklusibo nga interview ti bombo radyo Laoag ken ni Doctor Balalio, agturong koma ditoy ciudad ti Laoag manipod iti Rural Health Unit (RHU) idiay ili ti Nueva Era idi makita na a nabungon ti lamma ti sapatos ti lugan na.
Inpetteng ni Balalio nga uray daanen ti kotse na ket awan ti karbengan ti siasinno man a mangpadda-paddak iti daytoy.
Innayon ni Balalio a gapu ti sakit ti nakem na ket inpost na laengen ti napasamak ti facebook.
Inlawlawag na a saan a nagreklamo iti PNP gapu ta awan ti nadadael ti lugan na.
