LAOAG CITY – Inwaragawag ni Serbian populist President Aleksandar Vucic ti panagbaba na iti pwesto, pito a bolan sakbay ti panagleppas ti maikadwa ken maudi a lima a tawen a termino na.
Inaramid daytoy ni Vucic kabayatan ti kampanya para iti presidential elections intono Oktubre 25 ita a tawen.
Immunan a nadutukan ni Vucic kas prime minister iti Serbian Progressive Party (SNS) a nangbukel ti baro a gobierno.
Inbatad na nga idi paylaeng Hunyo a plano na ti agresign ken mangipatungpal ti Serbia ti nasapsapa a parliamentary ken presidential elections.
Kabayatanna, ak-akusaran ti Rights Groups ni Vucic ken dagiti kaalyado na a pappapigsaen da ti authoritarian rule, no sadinno nga inpetteng dagiti anti-government protesters a dinangran dagiti pulis ken saan a patas ken maiparbeng ti panangibalud da kadakuada, banag a naglikudan dagiti otoridad.
