LAOAG CITY – Inbatad ti Department of Labor and Employment, a paigetan da ti employment facilitation services tapno mapasayaat ti trabaho para kadagiti Pilipino.
Iti social media post, inpakita ti ahensya dagiti programa iti babaen ti Philippine Labor and Employment Plan 2023–2028 ken Trabaho Para sa Bayan Plan 2025–2034, karaman ti skills development, youth employability ken suporta iti microenterprise.
Nadakamat met ti pannakapapigsa ti ahensya ti serbisyo ti ng Public Employment Service Offices (PESOs) a masarakan kadagiti kangrunaan a ciudad ken ili, ken dagitoy ket konektado iti Department of Labor and Employment.
Basar iti Philippine Statistics Authority, bimmaba ti employment rate idi Enero 2026 iti 94.2% wenno 47.94 milyon nga agtrabtrabaho, manipod iti 95.7% iti napalabas a tawen.
Ti met unemployment rate ket 5.8% wenno 2.96 milyon ti awan ti trabaho na.
Segun ken ni Philippine Statistics Authority Assistant Secretary Divina Gracia del Prado, adda ti 306,000 ti aktibo nga agbirbiruk ti trabaho idinto a ti dadduma ket iyur-uray da paylaeng ti resulta ti nagaplikaran da.
