LAOAG CITY – Naminpinsan nga inmandar ni Gov. Matthew Marcos Manotoc ti pannakasuspenso ti klase iti amin a lebel kadagiti amin a pampubliko ken probado a pagadalan ditoy probinsya intuno bigat, Agosto 23.
Daytoy ket pakairamanan ti serrek dagiti agpapaay iti gobierno malaksid kadagiti first responders a kas iti medical ken rescue teams.
Iti pakdaar ti gobernador, ti pannakasuspeno ti serrek ket gapu pay laeng iti epekto ti bagyo Florita ditoy probinsya.
Immunan a nangiparuk-at ti bukod a pammilin dagiti nagduduma a lokal a gobierno ken kangrunaan a nasuspenso ti klase na dagiti agad-adal iti elementarya.
Iti agdama, naibayogen ti pagsenyalan numero dos iti Ilocos Norte.
