LAOAG CITY – Nagbalin a nabara ti sitwasyon iti uneg ti session hall ditoy siudad ti Laoag kalpasan a saan a pimmasa ti resolusyon nga indasar ni Vice Mayor Carlos Fariñas.
Daytoy ket pakaseknan iti pannakaiyuswat ti session iti sumaruno nga aldaw kalpasan ti didigra wenno holiday agraman ti pannakaiyuswat daytoy iti ruar ti siudad ken iti online.
Napagbubutosan ti nasao a resoluyon ngem saan a pimmasa gapu ta adda ti uppat a nag-abstain a pakairamanan da Sanggunian Panlungsod Members Jason Perera, Bryan Alcid, Kiko Ang ken ni Jayvee Baquiran.
Dita a namunganay ti ad-adda a panagriri dagiti konsehal bayat ti session nu sadino a ti takder ti maysa kadagiti nag-abstain a ni Atty. Perera ket masapol latta a masurot ti Local Government Code.
Inpetteng na a nu sadino ti hurisdiksyon ti konseho ket isu laeng ti pakaiyuswatan ti session.
Kabayatanna, kabayatan ti recess ket nalappeddan ti panagsinnungbat iti nagbabaetan da konsehal Ang, Alcid ken bise Mayor Fariñas babaen ken ni konsehal Fariñas.
