LAOAG CITY – Saan a malipatan ni Seth Fedelin dagiti kapadasanna iti Metro Manila Film Festival.
Nakaawat ti Breakthrough Performance Award iti 50th edition ti Metro Manila Film Festival (MMFF) para iti pelikulada ni Francine Diaz babaen ti Regal Entertainment a My Future You a maysa kadagiti 10 nga official entries iti napalabas a filmfest.
Inbatad ni Seth a dakkel nga oportunidad kenkuana a makaduana dagiti beterano nga aktres ken aktor iti dadakkel a pelikula.
Kunana a babaen iti daytoy ket ad-adda pay a mabiag ken maitandudo ti pelikula ti Pilipino ita a baro nga henerasion.
