LAOAG CITY – Indarum dagiti shareholders ti CrowdStrike ti kompaniya da kalpasan ti di umiso a software update ti cybersecurity firm ket nang-crash iti nasurok a walo a milion a computer ken nangpataud iti riribuk iti intero a lubong.
Naakusaran ti kompania iti kinaulbod ken makaallilaw a sasao maipapan iti software testing nga inaramid da.
Kunana pay a bimmaba ti presio ti share ti kompania iti 32% iti 12 nga aldaw kalpasan ti insidente, a nakaigapuan ti pannakapukaw ti market value ti kompania.
Inlibak met ti CrowdStrike dagiti alegasion ken kunana a depensaan da ti naisingasing a class action lawsuit.
Kabayatanna, kinuna ti firm a dagiti computer a naapektaran iti sangalubongan ket adda itan iti normal a kasasaad.
