LAOAG CITY – Agtalinaed da Shiela Guo ken Cassandra Li Ong iti Bureau of Immigration iti Maynila apaman a naisubli da ditoy Pilipinas kalpasan a tiniliw dagiti otoridad idiay Indonesia.
Ni Shiela ket kabsat ni dismissed mayor Alice Guo iti Bamban, Tarlac.
Segun ken ni Department of Justice (DOJ) spokesperson Asec. Mico Clavano, sangwen dagiti dua dagiti reklamo a panaglabsing iti immigration laws.
Maipalagip nga adda ti inparuk-at nga arrest order kontra kadakuada ti Kongreso gapu iti saan da a panagatendar kadagiti panagdengngeg para iti POGO wenno Philippine Offshore Gaming Operations.
