LAOAG CITY – Nakasangpeten ditoy probinsya dagiti contingent ti PNP-Ilocos Norte a nagturong idiay Metro Manila a timmulong ti seguridad ti ASEAN Summit.
Segun kenni Police Senior Inspector Arnel Tabaog, Company Commander ti grupo dagiti 206 a pulis, inpakat da ti maximum tolerance bayat ti kaadda da iti nasao a lugar.
Inlawlawag na nga adda ti maysa a pulis a contingent ti probinsya ti nabakal ti barikada babaen kadagiti rallyista.
Nupay kasta, kunana a saan a nadangran ti nasao a pulis ngem nadadael ti “shield” na bayat ti pananglapped da kadagiti nag-rally a naggandat a simrek iti nakaangayan ti ASEAN Summit.
