LAOAG CITY – Naipila iti kamara de representantes ti maysa a gakat para iti pannakaipaay ti scholarship kadagiti persons with disabilities.
Inlungalong daytoy ni Citizens’ Battle Against Corruption (CIBAC) party-list Representatives Eddie Villanueva iti babaen ti House Bill 10078 wenno ti Scholarship Grants for PWDs Act of 2024 a mangimanmandar iti Department of Education (DepEd) ken Commission on Higher Education (CHED), iti pannakikoordinar da iti Department of Social Welfare and Development (DSWD), tapno maipaayan ti scholarship grants dagiti persons with disabilities nga agtawen ti 25 agpababa.
Inbatad ni Villanueva makatulong daytoy para kadagiti maseknan tapno makaturpos da iti kolehiyo babaen ti tulong ti gobierno.
Innayon ni Villanueva a nailanad pay iti gakat a maala ti kasapulan a pondo iti pondo ti Department of Education ken Commission on Higher Education iti babaen ti national budget law.
Naipasa ti gakat ni Villanueva iti House panels on Basic Education and Culture and Higher and Technical Education idi Marso 13 a kaudian nga aldaw ti sesyon sakbay a nag-adjourn ti Kamara de representantes no sadinno nga agsubli ti sesyon intono Abril 29 ita a tawen.
