LAOAG CITY – Dakkel a nakatulong ti maysa a Shopping Center iti lokal a gobierno iti ili ti Solsona iti panagbalinna kas 2nd class municipality.
Segun iti Bise Mayor iti nasao nga ili, ngimmato ti napastrekanda a revenue a dumanon ti 1.2 a milyon a pisos.
Inbatadna a ti laeng gagem ti lokal a gobierno ket ti pagsayaatan dagiti umili isu nga indiayana ti maikadua a kadsaaran iti merkado publiko a pagpuestoan iti Shopping Center.
Inlawlawagna a ngimmato ti mapaspastraken a birok ti tiendaan a dumanon iti 170 a ribu a pisos iti kada bulan maidasig iti dati a 70 a ribu a pisos laeng iti kada bulan.
