LAOAG CITY – Naibilin kadagiti shops, restaurants ken cafes idiay Egypt ti panagserra da a nasapsapa kas paset ti temporary measures tapno makainot ti enerhiya nga epekto ti gubat iti Iran.
Naamoan a masapol nga iti oras ti alas-nuebe ti rabii ket agrikepen dagiti pasdek negosyo mangrugi intono Sabado, Abril 4 ita a tawen.
Ti “exceptional measures” nga inpatungpal ti gobierno ti Egypt ket pakairamanan ti pannakaikapkapsot dagiti street lights ken roadside advertising, kasta met ti pannakaipatungpal ti work from home iti uneg ti maysa nga aldaw para iti kaadoan mangrugi intono Abril.
Naamoan a maysa ti Egypt kadagiti pagilian a kangrunaan nga apektadon iti mapaspasamak a gubat iti Middle East a rason ti pannakapaserra ti Strait of Hormuz, a kangrunaan a shipping route para iti oil ken liquefied natural gas.
Saan met a karaman dagiti hotel ken tourist attractions manipod iti maipatpatungpal nga energy-saving measures idiay Ehipto.
