LAOAG CITY – Nalidem ti shortage iti suplay ti liquefied petroleum gas (LPG) kadagiti sumaruno a bulan, basar iti LPG Marketers Association.
Inbatad ni Arnel Ty, founder ti LPGMA, ti LPG supply ti pagilian ket manamnama nga agpaut ti 35 agingga iti 45 nga aldaw a simmayaat manipud iti immuna a panangpatta-patta ti Department of Energy (DOE) nga agingga iti 24 nga aldaw idi Marso 20.
Inlawlawagna a nabilin ti industria a gumatang kadagiti available a suplay ti LPG kadagiti merkado kagiddan ti pannakitaripnong ken ni Energy Secretary Sharon Garin.
Immunan nga inrakurak ti Department of Energy a ti agdama a suplay ti LPG ket tallo a daras a nangatngato maidasig iti seven-day minimum inventory requirement para kadagiti supplier.
Kunana nga agtultuloy ti pannakikoordinarda kadagiti pagilian no sadinno nga agim-import ti Pilipinas kadagiti petroleum products.
Innayon ni Ty, saan a namnamaen ti grupo ti shortage kagiddan iti panangdakamat ti agtultuloy a private sector procurement ken panangrugi ti government-to-government sourcing arrangements.
