LAOAG CITY – Inawagan ti toxic watchdog a maikkat iti merkado ti ay-ayam a ‘Shrilling Chicken’ a naaramid manipud iti China kalpasan a naduktalan nga addaan daytoy kadagiti di naipakaammo nga additives a mabalin a mangisarang kadagiti ubbing nga addaan ti napeggad a kemikal.
Mailaklako ti nasao nga ay-ayam iti P50 ti tunggal maysa nga addaan iti nagduduma a kolor.
Naduktalan nga addaan ti ‘shrilling chicken’ iti 8.4% di(2-ethylhexyl) phthalate (DEHP) ken 0.5 % diisononyl phthalate (DINP), a nalab-awanna ti safety limit a naikeddeng iti Department of Health Administrative Order 2009-005-A s. 2011.
