LAOAG CITY – Umaboten ti siam a Pilipino dagiti nagpositibo ti coronavirus disease idiay Italya.
Iti report ni Bombo International News Correspondent Demetrio Rafanan iti Rome, Italy, ptio a Pilipino dagiti nagpositibo iti amianan a paset ti Italy ken dua a Pilipino iti Roma.
Kuna na nga amin dagitoy ket naipan kadagiti sumagmamano nga ospital ken manarimaan ti pannakataming na.
Inadmitir pay ni Rafanan a nakaig-iget ti panangipatungpal dagiti otoridad dagiti guideline ti lockdown gapu ta isuna pay ket nasita ngem nakaipakita kadagiti umiso a dukomento.
Innayon na a possible a makapasar ti narigat a sitwasyon dagiti Pilipino kangrunaan kadagiti bassit ti naurnong da a kuarta gapu ti plano ti gobyerno ti Italya a maiyalud-od ti lockdown.
