LAOAG CITY – Naragsak nga inpakaammo ni Brgy. Chairman John Abao iti Brgy. Tuban, Sta. Cruz, Davao del Sur a naragsak ti sibubukel a barangayda kalpasan a nangabak ti filipina boxer a ni Nesthy Petecio iti Semifinals ti women’s featherweight champion iti 2020 Tokyo Olympics.
Iti eksklusibo nga innuman ti Bombo Radyo Laoag ken ni Abao, inbatad na a nu pay saan pay a nalpas ti laban ni Petecio ket arigna inarak ti tattao ti pagtaenganda gapu iti balligi na.
Kuna na a magagaran ti barangayda a makabuya iti sumaruno a laban ni Petecio nu sadino a posible a maala na ti silver wenno maikadua a gold medal ti Pilipinas.
Mainaig iti daytoy, inpakammo ni Abao a ni pay laeng Petecio ti kaunaan a residente iti barangay da a nakadanun iti 2020 Tokyo Olympics.
Immunan nga ibunannag ni Abao a sigurado a dakkel ti isagana nga aktibidad ti lokal a gobierno iti panagawid ti boksingera aniaman a medalya ti iyawid daytoy.
