LAOAG CITY – Inbatad ni Brgy. Chairman Oliver Valite iti Brgy. Naglicuan iti ili ti Pasuquin nga agtultuloy ti signature campaign kontra iti Ilocos Norte Electric Cooperative (INEC).
Kuna na a daytoy ket kas iti napagsasaritaan dagiti kapitan iti nasao nga ili ken kalpasan nga immunan nga inyuswat ti Brgy. Davila.
Sgeun ken ni Valite, kangrunaan a gagem ti nasa a kampanya ket tapno maipadanon kadagiti maseknan nga otoridad ti sitwasyon iti singir ti kuryente ken maimbstigar nu kasapulan.
Inpakaammo ti kapitan a nu pay adda ti naiyuswat a taripnong idi Agosto 10 babaen kadagiti pannakabagi ti INEC ket saan a makaany dagiti palawag tapno maisardeng ti signature campaign.
Inbatad na a pudno a nailawlawag ti sumagmamano a rason iti panagngato ti singir iti kuryente, patien na a saan a makaanay daytoy.
Kuna na nga adda ti panangipakaamo na iti INEC ti plano a signature campaign ken saan met linappedan dagiti pannakabagi ti kooperatiba.
Innayun ti Valite a karbengan met dagiti member consumers nga agreklamo ken maaddaan ti takder kontra iti nangina a singir ti kuryente.
