LAOAG CITY – Nakagun-od manen ti YouTube ken TikTok sensation a ni Nick DiGiovanni ti baro a Guinness World Record iti panangaramidna ti kadakkelan nga iced latte iti intero a lubong.
Iti pannnakitinnulongna iti maysa a coffee and donut chain, pinartuat ni Nick ti nakadakdakkel nga inumen a dumanon iti 1,044.92 liters ti kape ti kaadu daytoy ket umdas tapno mapunno ti pito a bathtub.
Naipakita ti higante a kape iti Canton, Massachusetts babaen ti 1,200 pounds ti yelo, 3,200 shot ti espresso ken 100 galon ti gatas. Iti uneg ti 24 hours ken nagtitinnulong dagiti 20 a tattao tapno matempla daytoy.
Kalpasan a makumpirmaran a nagun-oddan ti world record title, pinagbibingayan daytoy dagiti audience usar ti gripo a nakakabit iti nakadakdakkel a tasa.
