LAOAG CITY – Nagpanawagan ni Department of the Interior and Local Government (DILG) Sec. Jonvic Remulla iti Kongreso a pagbalinen a non-bailable ti kaso dagiti akin kukua ti paltog a maususar tapno agaramid iti krimen.
Daytoy ket kageddan ti napasamak a shooting incident iti uneg ti maysa a pagadalan iti Zamboanga City a nakatayan ti Child in Conflict with the Law (CICL) nga isu ti shooter iti nasao nga insidente ken maysa pay a Grade 10 nga estudiante.
Inlawlawag ni Remulla a ti laeng penalty ti akin kukua ti paltog a mausar iti krimen ket reckless imprudence bayat a ti ubing nga agusar ket maibilang kas juvenile.
Impettengna a kasapulan a ma-penalize dagiti akin kukua ti nasao a paltog ken dagiti kaso iti loose firearms ket kasapulan a non-bailable.
Segun pay ken ni Remulla, kasapulan nga agtinnulong ti Kongreso ken dadduma pay nga ahensia ti gobierno ken dagiti agtagikua ti paltog tapno malappedan dagiti kastoy a klase ti krimen.
