LAOAG CITY – Siraragsak a nangirakurak ni Bishop Renato Mayugba ti Diocese of Laoag nga naapprubaranen ti kiddaw da a mapagbalin ti simbaan ti Badoc ti St. John the Baptist kas Minor Basilica ditoy Ilocos Norte.
Gapu iti daytoy, segun ken ni Mayugba, addanto maangay nga inagurasyon ti nasao a simbaan a nakiskedyul inton February 5, 2019.
Nasdaaw ti Obispo gapu ta saan na a ninamnama nga alisto ti pannakaaprubar na ti kiddaw da idiay Vatican.
Kuna na a ti normal a “time frame” ti kiddaw iti Santo Papa kas iti daytoy ket innem a bulan agpangato ngem nasapa gapu ta agarup uppat a bulan pay laeng ti nasao a kiddaw.
Gapu pay iti daytoy, insigida a rinugianen ti simbaan ti agsagana no siasinnonto dagiti agbalin a sangaili iti nasao nga inagurasyon.
