LAOAG CITY – Manarimaan nga agikamkamakam ti simbaaan iti Brgy. Uguis iti ili ti Nueva Era a pakaangayan ti Jesus Reigns inton Nobiembre 24 ita a tawen.
Daytoy ket kalpasan sumagmamano a daras a naitantan gapu iti epekto kadagiti naglabas a bagyo ditoy probinsia.
Malaksid iti daytoy, adda dagiti kalsada a nadadael kangrunaanna kadagiti nasusulinek ken nailet a lugar.
Naammoan a manarimaan ti pannakikoordinarda kadagiti maseknan nga ili a mabalin a pagdalyasatan dagiti makipaset iti nasao nga aktibidad kas iti ili ti Piddig, Carasi, Solsona, Dingras, Marcos, Banna ken iti ili ti Pinili.
Kabayatanna, nakikoordinarda pay iti gobierno probinsial ti Ilocos Norte tapno maipasigurado a napintas ti dalan a pagdalyasatan dagiti makipaset iti aktibidad.
