LAOAG CITY – Nakapungtot ni Father Arvin Mangrubang iti Iglesia Filipina Independiente iti ili ti Pasuquin kalpasan a napan pinutol dagiti kameng ti Ilocos Norte Electric Cooperative (INEC) ti linya ti kuryente iti imatunan na a simbaan.
Inpetteng na a saanna a maawatan no apay a napan pinutol dagiti kameng ti Ilocos Norte Electric Cooperative ti linya ti kuryente da idinto a nabayadan da ti bill sa sakbay pay a nadanun ti due date.
Segun ken ni Father Mangrubang, napan nag-reading dagiti kameng iti kooperatiba idi Pebrero 23 ken napan met nagbayad ti sekretaryo na idi Pebrero 25 ita a tawen.
Nupay kasta, idi agawid ti rabii ti domingo, Pebrero 26 ket awanen ti suplay ti kuryente da.
Ikarkarigatan ti Bombo Radyo Laoag nga alaen ti palawag ti Ilocos Norte Electric Cooperative ngem agpapan ita ket saan nga agsungsungbat ti tawag ti nasao a kooperatiba.
