LAOAG CITY – Saan da nga ilungalong wenno i-promote ti simbaan katolika ti diborsyo ditoy pagilyan.
Daytoy ti inbatad ni Father Joey Ranjo, ti pannakangiwat iti Diocese of Laoag iti eksklusibo nga interview kenkuana ti bombo radyo Laoag.
Inlawlawag ti padi a no diborsyo mapagsina dagiti agasawa ngem adda pay laeng ti rekord da.
Innayon na a gapu ti daytoy ket bumaba ti dignidad ti kasar.
Inpalagip ni Father Ranjo a ti kangrunaan a rason no apay nga agkasar ti maysa a lalaki ken babai ket gapu ta agayan-ayat da.
Reaksyon daytoy ni Ranjo mainaig ti pannakaipurpursige ti diborsyo ditoy pagilyan iti kongreso.
