LAOAG CITY – Inlawlawag ni Fr. Joey Ranjo, pannakangiwat ti Diocese of Laoag ti maiyuswat a simbang gabi ditoy probinsya.
Segun kenni Fr. Ranjo, saan laeng a mamminsan ti pannakaiyuswat ti misa kadagiti nagduduma a parokyo nu di ket adda ti bigat ken rabii.
Malaksid iti daytoy, inbaga na nga adda pay ti live streaming ti misa iti bigat.
Inbatad na a ti maiyuswat a misa ti bigat ket iti oras ti Alas singko idinto nga alas sais iti rabii.
Inbunnnag na a daytoy a wagas ket napagnunumoan ti diocese tapno maakomodar amin nga agkalikagum nga agatendar ti misa.
Immunan nga inpagunamgunam ni Fr. Ranjo a masapol ti agtultuloy ti pannakasuort kadagiti nagduduma nga health protocols.
