Inrugi ni Simone Biles ti 2024 season-na babaen ti nakaskasdaaw a panagballigina iti United States of America Gymnastics’ Core Hydration Classic a nangipangato iti all-around title babaen ti dagup a 59.5 points.
Daytoy ti kasayaatan nga all-around total ni Biles sipud idi nagsubli iti kompetision idi napan a tawen iti umuna a gundaway sipud idi Tokyo Olympics.
Nagleppas ni Biles iti 1.85 a puntos nga immun-una ngem ti dua a daras a world all-around medalist a ni Shilese Jones, a kas ken ni Biles ket mangbangbangon nga agturong iti US championships ken Olympic trials tapno maikeddeng ti lima a babbai a team para iti Paris Games.
Malaksid iti daytoy, immuna ni Suni Lee iti balance beam babaen ti 14.6 points iti 14.55 ni Biles ken indauluan ni Biles ti floor exercise babaen ti 14.8.
Maikatlo ken maikapat da Tokyo Olympic medalists Jordan Chiles ken Jade Carey bayat nga ikagkagumaanda nga ikabil ti bagbagida iti panagsusupiat para iti Paris kalpasan a nakalibasda iti 2023 World Championships team.
Kabayatanna, panggep dagiti top contenders ti ag-book iti spot-da iti national championship trials idiay Fort Worth, Texas, Mayo 30-Hunio 2.
