LAOAG CITY –Balligi a naiwayat ti Simulation Exercises iti Ilocos Norte College of Arts and Trades ditoy siudad ti Laoag.
Daytoy nga aktibidad ket nagbibinuligan iti Philippine National Police (PNP) Laoag, City Disaster Risk Reduction and Management Office (CDRRMO), Department of Public Safety (DPS), Schools Division Office (SDO) Laoag, Newly Appointed Police Non-Commissioned Officer (NAPNCO), Special Weapons And Tactics (SWAT), ken Scene of the Crime Operatives (SOCO).
Segun ken ni Police Lt.Col.Ryan Retotar ti Chief of Police ti Phillipine National Police (PNP) Laoag a ditoy a naisuro dagiti rumbeng nga aramiden dagiti otoridad ti pagadalan ken estudiante no kasta nga adda ti insidente ti bomb threat iti uneg ti pagadalan.
Kunan a ditoy a nakita dagiti pagkurkurangan a masapul pay ti pannakapadur-asna.
Malaksid iti daytoy, maragsakan met ni Dr. Joan Corpuz, Schools Division Superintendent ti Department of Education ti panagballigi ti nasao a simulation execrices.
Innayonna a namin-adon a daras a naitantan daytoy tapno maipaayan ti naan-anay a panagsanay tapno maprotehiran ken maprebentaran ti aniaman a pasamak kas ti bomb threat iti uneg ti pagadalan.
