LAOAG CITY – Napadayawan ti Ilocos Norte Police Provincial Office (INPPO) babaen iti Police Regional Police Office-1.
Daytoy ket gapu iti balligi a pannakaiyuswat ti Simultaneous Anti-Criminality Law Enforcement Operation (SACLEO) manipod Enero 1, 2021 agingga iti Enero 15, 2021.
Inbatad ni PLt. Col. Randy Baoit, ti pannakangiwat ti INPPO a manipod iti naiyuswta a tallo nga anti-illegal drug operations ket tallo a suspek dagiti naarestar idinto nga iti innem nga anti-illegal gambling operation ket 24 dagiti natiliw.
Kabayatanna, kuna na a manipod ti 13 nga operasyon kontra kadagiti wanted persons, adda ti 12 a naarestar idinto nga uppat a paltog dagiti nakumpiskar manipod iti dua nga operasyon kontra ti loose firearms.
Mainaig iti dayotoy, inbunannag ni Baoit a ti balligi ti INPPO ket gapu iti panagtitinulong dagiti amin nga MPS ditoy probinsya.
Inpasigurado na nga agtultuloy ti kapulisan a mangpugipog kadagiti iligal nga aktibidad ditoy probinsya.