LAOAG CITY – Balligi ti pannakaiyuswat ti simultaneous earthquake drill iti kapitolyo probinsyal ken amin nga empleado ti nakipartisipar.
Ditoy a naipakammo kadagitoy no kasano ti panagruar da iti pasdek agingga iti papan da iti natalged a lugar.
Kabayatan iti earthquake drill, naipakita pay no kasano ti panagresponde dagiti responders kadagiti posible a mapasamak ti gingined kas iti pannakapupok ti indibidual iti pasdek wenno ti pannakapasamak ti uram.
Naiyadal kadagitoy dagiti wagas a panagresponde dagiti kameng ti Provincial Engineering Office, Bureau of Fire Protection, Philippine National Police, Provincial Disaster Risk Reduction and Management Office ken dadduma pay.
Malaksid iti daytoy, kasta met a naipakita no ania dagiti rumbeng nga aramiden dagiti tattao no adda ti aftershocks.
Maipalagip a maiyus-uswat ti simultaneous earthquake drills kadagiti nagduduma a lugar iti probinsya kas panagsagana no adda ti gingined nangruna ket nagsasaruno ti napipigsa a panagdayyeg iti dadduma a lugar iti Pilipnas.
