LAOAG CITY – Impakaammo ni Mr. Marcel Tabijie, ti mangidaulo ti Provincial Disaster Risk Reduction Management Office (PDRRMO) a maisayangkat ti simultaneous school safety inton bigat, Setiembre 3.
Kunana a daytoy ket maiyuswat ti Ilocos Norte National High School (INNHS) kas regional plot area nga idauloan ti Department of Education (DepEd) Region 1.
Daytoy ket nagbibinnuligan ti Department of Education (DepEd), Local Government Units (LGUs), Office of the Civil Defense (OCD), Department of Interior and Local Government (DILG).
Gagem ti nasao a drill ti panangisuro kadagiti estudiante ken kasta payen dagiti mangisursuro ti rumbeng nga aramidenda no adda dagiti mapasamak a shooting incident kas iti napasamak a shooting incident kadagiti sumagmamano a pagadalan ditoy pagilian.
