LAOAG CITY – Nagpanawagan ti grupo a Samahang Industriya ng Agrikultura (SINAG) iti pannakaisubli ti price iti bagas iti sumaruno a bulan.
Inpetteng ni Samahang Industriya ng Agrikultura chairperson Rosendo So a daytoy ti napanunutan da nga addang tapno maliklikan ti posible a panagngato manen ti presyo ti bagas iti merkado.
Inrekomendar da a no mabalin ket maipataw ti price cap a P45 iti kada kilo ti local ken imported a well-milled rice.
Inbatad na a magatgatang iti P23 agigga iti P24 ti kada kilo ti naapit a pagay gapo ta malmalpasen ti panaggapit ket posible a mamanipular manen daytoy.
Innayon na a daytoy pay ket gapo iti umadi a paskua ken kagedan ti panaglippas ti harvest season.
