LAOAG CITY – Naragsak nga inpakaammo ni Gov. Matthew Marcos Manotoc nga adda ti maiyuswat a medical mission inton Setiembre 19 agingga 21 iti Mariano Marcos Memorial Hospital and Medical Center iti siudad ti Batac.
Segun kenkuana, dagiti Orthopedic ken Plastic Surgeons manipud idiay Singapore General Hospital iti agturong ditoy probinsia a mangisayangkat iti nasao a medical mission.
Inbatadna nga isuda ti maysa kadagiti kalalaingan a doktor iti intero a lubong.
Kunana a dagiti maiyuswat a medical mission ket dagiti operasion iti hip wenno knee replacements, plastic surgery ken dadduma pay.
Innayonna a ti Provincial Government of Ilocos Norte ken ti Mariano Marcos Memorial Hospital and Medical Center ket bayabayanna dagiti doktor manipud iti Singapore Goverment Hospital kabayatan ti panangipaayda iti nagdumaduma a komprehensibo a serbisio ti musculoskeletal.
