LAOAG CITY – Mangipatungpal ti Singapore ti eleksyon intono Mayo 3 ita a tawen, a daytoy ket ti kaunaan nga electoral test para ken ni baro a Prime Minister Lawrence Wong.
Ti kampanya iti eleksyon nga agpaot laeng iti siyam nga aldaw ket namnamaen nga agpannuray ti ngumatngato a cost of living, panagkasapulan iti pabahay, trabaho ken ti ngumatngato a demand para iti pannakasalwad ti salun-at iti baet ti tumataeng a populasyon.
Namnamaen a dagiti botante ket isubli da iti turay ti People’s Action Party (PAP) a mangab-abak iti kada eleksyon sipud naipaayan ti Singapore ti bukod a panangiwanwan babaen ti British idi 1959.
Ti naudi nga eleksyon iti pagilian ket idi 2020 a nakagun-odan ti Opposition Workers’ Party iti 10 a tugaw, ti kadakkelan a nalligi para iti oposisyon sipud nagun-od ti Singapore ti panagwaywayas idi 1965.
Naamoan a ti panagbotos ket compulsory para kadagiti residente idiay Singapore nga addaan ti 2.75 million nga eligible citizens.
