LAOAG CITY – Manamnama ti panagngato ti electricity bill kadagiti consumer iti Luzon, Visayas ken Mindanao gapu iti panagngato ti transmission charge iti a bulan.
Segun iti National Grid Corporation of the Philippines (NGCP), immuli ti 22.22% ti transmission rate para iti bulan ti Hulio 2026 billing period, manipud P1.4367 ket nagbalin a P1.7560 iti kada kilowatt-hour.
Inbatad ti ahensia a ti rason ti pangngatona ket ti 30.85% a panagngato iti ancillary services charges a manipud P0.7941 ket nagbalin a P1.0391 iti kada kilowatt-hour.
Mainaig iti daytoy, inlawlawag ti National Grid Corporation of the Philippines (NGCP) nga awan ti sumsumrek kadakuada a kuarta iti nasao nga ancillary services, gapu ta direkta ti panagipasa dagiti bayad kadagiti service provider.
Ti transmission charge ket bayad iti panangipatulod ti kuryente manipud kadgiti power supplier nga agturong iti distribution system a mabaybaydan iti National Grid Corporation of the Philippines.
