LAOAG CITY – Ad-adalen nga ipangato dagiti trucker ti agingga iti 50% ti rate wenno singirda kadagiti klienteda tapno masupusopan ti dumadakkel a gastos.
Daytoy ket iti baet ti manamnama a dakkel a panagngato ti presio dagiti produkto a petrolyo inton sumaruno a lawas.
Inbatad ni Mary Zapata, Presidente ti Confederation of Truckers Association of the Philippines (CTAP), no maiyimplimentar ti mapatta-patta a P90 ti presio iti kada litro ti petrolyo, awan ti maaramidanda no diket agipangatoda met ti singir.
Malaksid iti petrolyo, kunana a sigurado a ngumato met ti gastosenda kas ti spareparts, ligay ken langis.
Innayonna nga uray isuspenso ti gobierno ti excise tax iti langis ket agipangatoda latta ti singir gapu ta saan daytoy nga umdas iti agbalin a panagngato ti presio ti petrolyo.
