LAOAG CITY – Manamanama a sumangpet ti sinovac covid-19 vaccine ditoy probinsya intuno sabado.
Immuna iti daytoy, simmangpet iti Rehiyon 1 ti first batch ti bakuna nga agarup 14,400 doses idiay La Union.
Naamoan a karaman kadagiti health facilities iti vaccination program ditoy rehiyon ket ti Region 1 Medical Center, Pangasinan Provincial Hospital, Ilocos Training and Regional Medical Center, La Union Medical Center, Ilocos Sur Provincial Hospital, Mariano Marcos Memorial Hospital and Medical Center, Governor Roque Ablan Senior Memorial Hospital ken ti Laoag City General Hospital.
Segun ken ni Mr. John Paul Aquino, ti senior health program officer ti DOH, prayoridad a mabakunaan dagiti frontliners ken empleado dagiti nadakamat nga ospital.
Kabayatanna, inpakaamo ni Dr. Josephine Ruedas, ti provincial health officer nga addan ti simmangpet ditoy probinsya a syringes ken vaccine collectors.
Inbatadna a 61,200 a pedaso ti syringe ken 2,125 a vaccine collector ti naipaay iti provincial Health Office idinto nga 80,000 syringe ken nasurok 6,000 a vax collectors ti naited iti City Health Office ditoy siudad ti Laoag.
Mainaig iti daytoy, inpakaam ti DOH a manamnama a dua a dose ti maited kadagiti target a mabakunaan nu sadino a 3,304 ti kabuklan a maited a bakuna ditoy probinsya.
