LAOAG CITY – Inadmitir ni Barangay Kagawad Lemuel Duldulao iti Barangay Callaguip iti ciudad ti Batac a marigatan da iti agdama a paspasaren da gapo iti covid-19 kalpasan a kabarangayan da ti kaudian a nagpositibo ti virus nga isu ni IN-C92, babai ken agtawen ti 38.
Ummuna iti daytoy, iti inparuk-at nga statement ni Gov. Matthew Marcos Manotoc ket nakapulapol ni IN-C92 ni IN-C76.
Segun kenni Duldulao, ni IN-C76 ket manugang na ni IN-C92 ken dati da nga agnanaed iti maymaysa a balay ngem iti agdama ket adda ti kaso iti barangay da ket nag-home quarantine ti pamilya ni IN-C92 iti Barangay Tabug iti nasao met laeng a ciudad.
Inlawlawag na nga idi Martes, Setyembre 15 ket dimmalan iti swab test dagiti nakapulapol ni IN-76 ken ti pay laeng rimwar ti resulta na ket ni IN-C92 a positibo iti virus.
Kunana a gapo iti daytoy ket nailockdown iti agdama ket Sitio 1 agingga iti Sitio 5 iti nasao a barangay.
Mainaig iti daytoy, kuna ni Duldulao a posible nga awan ti nakapulapol ni IN-C92 iti Barangay Callaguip gapo ta iti Barangay Tabug da a nag-home quarantine.
Kabayatanna, naglikudan ni Duldulao nga agipaspasada ti tricycle ti agnagan ti Fico Tapac gapo ta ti trabaho na ket agideldeliver ti danom.
Sungbat na daytoy iti naipadanon nga impormasyon ditoy Bombo Radyo a maipagarop a makastrek ken makarwar latta ti maseknan iti nadakamat a barangay.
Kunana a ti pagtaengan ni Tapac ket saan a karaman kadagiti naka-lockdown a Sitio.
