LAOAG CITY – Inbatad ni Brgy. Chairman Dan Toledanes iti Brgy. 2 ditoy siudad ti Laoag a naipan iti lockdown iti daya a paset ti Sitio 3 kalpasan a naamoan da a positibo iti covid-19 ni IN-C98.
Kuna ni Toledanes a ni IN-C98 ket tubo iti ili ti Dumalneg ken agkaskasera laeng iti maysa nga apartment iti barangay da.
Inbatad na a basar iti nakalap nga impormasyon dagiti Barangay Health Workers, adda ti maysa a kadkadwa na iti kwarto a pagnanaedan na iti apartment ken manamnama a dumalan iti swab test.
Mainaig iti daytoy, inpakaamo na nga agtultuloy ti contact tracing kadagiti nakapulapol na ken naiget ti panangmonitor da iti nasao nga apartment.
Maipalagip a ni IN-C98 ket agtawen ti 25 a lalaki ken maysa nga APOR nga empleado ti DPWH.
