LAOAG CITY – Inbatad ni Police Captain Joseph Tayaban, chief of police ti PNP-Badoc a nakalockdown ti Sitio a residensya ni IN-C67 iti Barangay Paltit iti ili ti Badoc.
Segun kenni Tayaban, maiyuswat met ti contact tracing kadagiti posible a nakapulapol ni IN-C67 iti laksid a saan a rimrimwar it pagtaengan da.
Inlawlawag ni Tayaban nga idi nadlaw ni IN-C67 nga adda t sintomas na ti covid-19 ket dagus na nga in-isolate ti bagbagi na ken saanen a rimrimwar agingga a naala na ti resulta ti swab test na.
Kunana a karaman kadagiti naka-isolate ket ti pulis a nangasistir kenni IN-C67 idi simmangpet iti border iti ili t Badoc idi Setyembre 4.
Innayon na nga adda ti inisyal a panagsasarita da iti Municipal Health Officer kenni Mayor Maximo Cajigal.
