LAOAG CITY – Inpakaammo ni Barangay Kagawad Jay-z Lagundino iti Barangay Pancian iti ili ti Pagupdud a mabalinen a madalyasatan ti maysa a linya ti kalsada iti paset ti Sitio Banquero iti nasao a barangay.
Nu pay kasta, kuna na a dagiti pay laeng light vehicles ti maipalubos a dumalyasat iti lugar.
Segun ken ni Lagundino, masurot ti 6am-6pm nga schedule iti panagdalyasat iti lugar basar iti pakaammo ti Department of Public Works and Highways tapno maitultuloy latta ti clearing operation.
Immuna iti daytoy, inpakaammo ni Lagundino a naiget ken agtultuloy a mabanbantayan ti sitwasyon iti nasao a barangay kangrunaan ita nga adda ti mapaspasaran a maipatto-pattok a pangtudo.
