LAOAG CITY – Inpakammo ni Barangay Chairman-elect Jessie Lagundino iti Barangay Pancian iti ili ti Pagudpud nga one-lane passable laeng ti dalan iti Sitio Banquero gapo iti panagreggaay ti daga.
Segun kenni Lagundino, iti laksid a maysa laeng a lane ti madalyasaten ket mabalin met iti anyaman a klase ti behikulo.
Nupay kasta, binalakadan ni Lagundino dagiti motorista nga agannad gapo ta adda pay laeng ti saggaysa nga agregreg a bato ken daga manipud iti bantay.
Kunana a namunganay ti panagreggaay ti daga iti nasao a Sitio gapo iti agtultuloy a panagtudo na, addan ti agarop nasurok makalawas a mapaspasaran da.
Inbatad na nga umabot iti 15 a metro ti kaatiddog ti pakaregregan ti daga ken batbato ngem agtultuloy met ti koordinasyon da iti Dept. of Public Works and Highways no sadinno naka-standby met dagiti equipment a mausar iti clearing operations.
