LAOAG CITY – Kinumpirmaran ni Barangay Kagawad Jay-Z Lagundino iti Barangay Pancian nga adda manen ti panagreggaay ti daga iti Sitio Banquero idi rabii.
Segun kenni Lagundino, gapo iti daytoy ket adda dagiti motorista a na-stranded a rumuar ken sumrek ditoy probinsya ken nagtalinaed da iti nasao a lugar agingga a nalukatan itay nasapa a paset ti bigat.
Agpapan maisursurat ti damag ket one-lane passable ti nasao a lugar ken para laeng kadagiti light vehicles.
Inlawlawag na nga iti laksid nga agtultuloy ti operasyon ti Dept. of Public Works and Highways ket saan a madanon iti ngato na rason a saan maliklikan nga adda latta ti agdennag a daga ken bato nangruna ket agtudtudo iti nadakamat a lugar.
