LAOAG CITY – Kinumpirmaran ni Barangay Chairman Angelito Aceret iti Barangay Columbia iti ili ti Vintar a naka-lockdown iti agdama ti Sitio Maapgad.
Daytoy ket kalpasan nga adda ti direct contact ti taga Sitio Maapgad iti maysa kadagiti nagpsotibo ti covid-19 ditoy probinsya.
Ummuna iti daytoy, kuna ti kapitan nga adda ti nagpasken iti nadakamat a sitio ken maysa kadagiti sangaili ket maysa kadagiti covid-19 positive ngem saan na pay a naamoan idi ti resulta ti swab test na.
Segun kenni Aceret, kalpasan daytoy ket naala na ti resulta ti swab test na ket positibo daytoy isut gapo na nga inpakaammo na iti Barangay Columbia.
Gapo iti daytoy, nagamak dagiti taga Sitio Maapgad gapo ta ado dagiti nakapulapol ti nagpositibo rason a dagus a nagpaawag ti taripnong kadagiti opisyales ti barangay ken napagtutulagan da a maipatungpal ti temporary lockdown.
Inbatad na nga uppat nga indibidwal a taga Sitio Maapgad ti direkta a nakapulapol ti covid-19 positive ken agdama a naka-isolate iti Isolation Unit ti ili ti Vintar idinto a dagiti dadduma a nakapulapol daytoy ket naka-home quarantine.
Inlawlawag na met nga adda ti maysa nga APOR kadagiti nakapulapol ni nagpositibo iti virus ngem nabalakadan daytoy a saan pay laeng mga agsubli iti nasao a sitio no diket agtalinaed iti pagtartarusan na.
Inbaga na a basar pay iti panagimbestigar da ket adda ti maysa a Barangay Abkir a nakatendar iti pasken ken ti ti nagideliver ti cake a taga Barangay Cabisuculan iti nadakamat met laeng nga ili.
Kunana nga ita nga aldaw ket posible a dumalan iti swab test dagiti nakapulapol ti covid-19 positive.
Innayon na a ti desisyon da ket naipakammo met laeng iti Municipal Health Office ken iti opisina ti Mayor.
