LAOAG CITY – Nagsublin iti normal a sitwasyon dagiti Overseas Filipino Worker idiay pagilian a Greece kalpasan ti panagdayyeg ti gingined iti abagatan a paset ti Athens.
Daytoy ti kinumpirmaran ni Mrs. Nema Balucio Ganotisi, OFW idiay Athens, Greece, tubo ti Brgy. 22 Sagpatan, Sarrat, Ilocos Norte.
Immuna iti daytoy, nakigtot lattan ni Ganotisi bayat a matmaturog da iti rabii idi Lunes ti kellaat a panagdayyeg nga immabot ti magnitude 4.4 ti kapigsa ti gingined.
Insegida a nagkararag tapno maisalakan ti pamilya na iti anyaman a dakes a pasamak.
