LAOAG CITY – Inlawlawag ni Dr. Alan Taylan, maysa nga Internal Medicine Doctor iti St. Camillus de Lellis Hospital ditoy siudad ti Laoag no ania ti pakausaran ti cardiac monitor a maysa kadagiti naikapet nga aparatos ken ni dati nga Speaker Martin Romualdez.
Kuna na a maus-usar ti cardiac monitor para kadagiti pasyente nga adda ti problema na iti puso.
Inrakurak na a maikabil ti cardiac monitor iti barukong ti pasyente tapno makita ken mamonitor ti vital signs na kas ti sitwasyon ti blood pressure, pitik iti puso ken respiratory rate ti maysa a pasyente.
Inbatad na a maibasar iti blood pressure ni Romualdez nga 140/90 ket adda paylaeng iti stage ti hypertension a makuna a saan pay a nakaro a blood pressure.
Segun ken ni Doctor Taylan, mabalin a daytoy ti regular blood pressure ti dati nga speaker wenno ngimmato laeng iti panawen a pannakaarestar na gapu ta awan nakarikna ti saan a nasayaat.
Innayon na a no iti met heart rate ti dati nga speaker kas makita iti cardiac monitor ket normal range laeng gapu ta 60 agingga iti 100 ken awan ti makita na a panag-fluctuate na.
Mainaig iti daytoy, kuna pay ni Doctor Taylan a no maibasar met iti oxygen saturation ni Romualdez ket 99% a kayatna a sawen ket awan ti problema iti dara na gapu ta ti normal ket 96 agpangato.
Maipalagip a ngimmato ti blood pressure ni dati nga Speaker Romualdez kalpasan a naiserbi ti warrant of arrest mainaig iti kaso na P7.4 billion plunder case.
