LAOAG CITY – Inpakaammo ni Mrs. Melda Jacinto, Nurse II iti city health office ditoy siudad ti Laoag a 14 a kaso ti dengue ti nairekord sipud idi Enero agingga ita a bulan ti Hunyo.
Segun ken ni Jacinto, amin a kaso ket nakarekobre ken awan dagiti pimmusay.
Inbatad na a kadagupan iti nasao a bilang ket maysa ti aktibo iti agdama.
Immuna iti daytoy, nagpalagip ni Jacinto a nu bilang umabot iti tallo nga aldaw ti pangurgurigor ket nasken nga agpakonsultar iti doktor.
Innayun na a nasken a masurot ti 4-S kontra iti dengue tapno maliklikan ti sakit ken maliklikan nga agbalin a epidemic.
Mainaig iti daytoy, kuna ni Jacinto a napateg ti 4 o’clock habit nu sadino nga iti dayta nga oras ken ikkaten dagiti naummong a danom sadino man a paset ti arubayan wenno pagtaengan.
Inbatad na a babaen iti daytoy a wagas ken maliklikan nga adda ti pagumokan ti lamok nga isu ti makaigapu ti sakit a dengue.
