LAOAG CITY – Inpakaammo ni ABC Federated President George Padre iti ili ti Bacarra a siyam a barangay ti apektado iti lockdown.
Inlawlawag na a manipod iti nasao a bilang ket maysa ti totally lockdown idinto a dagiti dadduma a barangay ket sitio wenno pagtaengan laeng ti nakaipatungpalan ti lockdown.
Kuna na a ti Brgy. 19 iti nasao nga ili ti adda iti total lockdown gapu iti nangato a bilang ti kaso ti covid-19 idinto nga adda ti sitio wenno pagtaengan ti naka-lockdown iti Brgy. 2, Brgy. 4, Brgy. 6, Brgy. 12, Brgy. Paninaan, Brgy. Duripes, Brgy. Pasngal ken Brgy. Duripes.
Mainaig iti daytoy, inbatad ni Padre nga agtultuloy ti panangobserbar dagiti opisyal ti garaw dagiti umili kangrunaan na ti pannakasurot dagiti pagalagadan kontra iti covid-19.
Nagpanawagan ti opisyal a liklikan ti panagpasken wenno aniaman a mass gathering kasta pay ti panagruruar nu saan a napateg ti pagturungan tapno naan-anay a maliklikan ti panagwaras ti makapatay a virus.
