LAOAG CITY – Positibo ti insayangkat a search warrant operation dagiti kameng ti pulisya iti Barangay 42, Apaya ditoy ciudad ti Laoag.
Nabigbig ti subject ti operasyon a ni Elymar Miguel Baptista, agtawen ti 41, maysa a contrator ken foreman ken residente iti Sitio Malasin iti nasao a barangay.
Nailanad iti search warrant a ti masukimat ket iti saan a masinuno a kaado ti iligal a droga iti pagtaengan ken iti lugan na.
Nakakita dagiti pulis ti siyam a plastic sachet ti maipagarop a shabu iti compartment lugan ni Baptista.
Inbatad met ni Pol. Lt. Col. Rafael Lero, ti chief of police ti PNP-Laoag nga awan ti naala da nga anyaman nga iligal a droga iti uneg ti pagtaengan ni Baptista a maysa kadagiti nailanad iti search warrant a sukimaten dagiti otoridad.
Sgeun kenni Lero, ni Baptista ket No. 6 target personality iti Laoag PNP.
Iti agdama ket adda ni Baptista iti Crime Laboratory para iti drug testing.
